Dımashtyń ýkraınalyq jankúıeri qazaq halqy týraly pikir bildirdi dep jazady Qamshy.kz aqparat agenttigi. Bul týraly ol óziniń feısbýk paraqshasyna jazǵan. 

Ol qazaq halqyn qatty jaqsy kóretinin jazyp, alǵys bildirdi.

"Sezimimdi ishke saqtaı almadym. Meni mundaı kúıge túsirgen, árıne, Dımash. Sebebi kóz tartarlyqtaı kelbeti men ǵajap daýsy bar Dımashtyń – ulty qazaq. Meni qazaq halqy tańǵaldyrdy. Iá, olardyń salt-dástúri, ánderi qulaqqa jaǵymdy, ulttyq kıimderi kóz tartarlyqtaı ádemi. Biraq qazaqtardyń kópshiligimiz baıqaı bermeıtin bir ǵajaby bar. Ol qazaqtardyń danalyǵynda, ár oıý-órneginiń tereń mán-maǵynaǵa ıe bolýynda. Sondaı-aq, qazaqtar óte mádenıetti halyq. Birneshe ult ókilderimen birge násilshildikke bólinbeı, tatý-tátti turyp jatqan olar qandaı dana edi?! Ózge ulttyń da mádenıetin qurmetteıdi, biraq óz mádenıetin, ulttyq qundylyǵyn umytpaıdy. Bul qazaqtarǵa ǵana tán qasıet shyǵar. Ózderine senimdi, mádenıetti ári tárbıeli. Dımash qazaq halqynyń artyqshylyqtary týraly kóp aıtatyn. 

Sondaı-aq, qazaqtar keshirimdi halyq. Bul barlyq adamǵa berilgen qasıet emes. Olar ókpe-renishin ysyryp qoıyp, márttik tanyta alady, meıirimdi bola alady. Munyń qupıasymen bólisse, barlyq adamnyń kádesine jarar edi. 

Sondaı-aq olar balajandy bolyp keledi. Qazaqtar balalaryn alaqanyna salyp, aıalap ósiredi. Maǵan Qazaqstandaǵy kishkentaı balalardyń kıingeni qatty unaıdy. Olar ózderine kıim almasa da, baryn balalarynyń aýzyna tosyp otyrady. Basqa da kóptegen jaqsy qasıetteri bar. 

Menińshe, Dımashtyń barlyq jankúıerleri qazaq bolǵan shyǵar. Ózińdi álemge Dımashtaı uldy syılaǵan qazaq sekildi sezinýdiń ózi keremet sezim emes pe?!", -dep jazdy ýkraınalyq Galına Vılvovskaıa. 

Aýdarǵan: Ásel Bolatqyzy